Të ardhurat doganore 1.9 miliardë dollarë – Dogana Shqiptare: 240 milionë dollarë më shumë se plani!
Nga të dhënat e fundit zyrtare të publikuara nga Dogana Shqiptare rezulton se të ardhurat doganore kanë shënuar një vlerë pozitive prej gati 1.9 miliardë dollar për vitin 2021 duke tejkaluar planin dhe rekordin e mëparshëm të vitit 2019. Sipas të dhënave të ardhurat për vitin 2021 janë realizuar në masën 193.2 miliardë lek nga 169.05 miliardë lekë të planifikuara ose rreth 24.1 miliardë lekë me tejkalim të planit.
Dogana Shqiptare informon se faktorët kryesorë që kanë ndikuar tek çdo taksë, krahasuar me një vit më parë janë:
- Taksa Doganore + 1.2 Miliardë lekë më shumë nga rifillimi i importit të mallrave me origjinë jashtë BE,
- Akciza, në total +7.1 Miliardë lekë,
- TVSH krahasuar me 12-mujorin 2020 ka dhënë rreth 30.8 miliardë lekë më shumë.
Renta ka regjistruar një rritje me 649 Milion lekë për shkak të efektit të kombinuar midis rritjes së sasisë së eksportuar të naftës bruto me rreth 30,000 ton dhe gati dyfishimit të çmimit ndërkombëtar mesatar 12-mujor ndërsa rreth 40 milionë lekë më shumë janë siguruar nga mineralet e tjera, sipas të dhënave të publikuara nga DSH.
Sipas DSH të njëjtën ecuri kanë edhe mallrat e akcizës në XII M Janar-Dhjetor, në konsum, për periudhën 2016-2021 ku ndikimin kryesor e kanë dhënë karburantet që kanë shënuar rekordin historik të 638 mijë e 643 tonë, ose rreth 87 mijë tonë më shumë se viti kaluar.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.