Të ardhurat nga “pasuria”- Pa përfunduar legalizimi, nuk funksion kadastra fiskale
Taksimi mbi pasuritë rezulton me evazion të lartë fiskal, edhe për shkak të informalitetit që e shoqëron sektorin. Kjo duke pasur parasysh mos mbledhjen e kësaj takse, në një kohë kur ndërtimi, gjatë viteve të fundit ka qenë dhe sektori më i zhvilluar, lë shumë hije dyshimi që evazioni në këtë pikë është i madh.
Kështu referuar viteve të mëparshme konstatojmë se taksa e ndërtesës, akoma nuk është përvetësuar nga “kultura fiskale” e pjesës më të madhe të qytetarëve shqiptarë. Ndërkohë, për të rritur nivelin e të ardhurave në buxhetin e shtetit nga taksa e ndërtesës është hedhur ideja që në faturën e energjisë apo ujit të konsumatorëve, mund t’i bashkëngjitet si detyrim për t’u paguar edhe taksa për banesat.
Bashkia e Tiranës është e vetmja që ka filluar aplikimin e mbledhjes së kësaj takes, duke e përfshirë në faturën e ujit. Sipas të dhënave zyrtare të Ministrisë së Financave, të ardhurat nga taksa e pasurisë, që mblidhet nga pushteti vendor, për 7-mujorin e këtij viti janë mbledhur në arkën e shtetit,3.3 miliardë lekë.
Por parë në zhvillimin e sektorit të ndërtimit si dhe tregut të pasurive të paluajtshme, që për hir të së vërtetës kanë qenë ndër më të zhvilluarit vitet e fundit, kjo vlerë është mjaft e ulët. Por gjithashtu një nga informaliteti i lartë në këtë sektor procesi i legalizimeve po vazhdon prej vitesh akoma nuk dihet kur to të jetë fundi i tij. Por qeveria pretendon që së shpejti të bëjë efektiv një tjetër proces, atë të kadastrës fiskale.
Por si do të funksionojë kjo kadastër në një kohë kur një pjesë e madhe e ndërtimeve, banesa apo objekte tregtare nuk janë të regjistruara?
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.