Të ardhurat nga TVSH – 11-mujori, 6.8 miliardë lekë më shumë se në vitin 2016
Të ardhurat nga taksa e TVSH, që njihet ndryshe edhe si takes e konsumit, kanë ardhur në rritje këtë vit. Sipas statistikave zyrtare të Ministrisë së Financave, të ardhurat nga TVSH-ja për periudhën 11 mujore janë realizuar në vlerën 126 miliardë lekë, ndërkohë që janë 6.8 miliardë lekë më shumë se një vit më parë.
Kështu në të njëjtën periudhë të një viti më parë mbledhja e të ardhurave nga kjo taksë rezultonte në vlerën e 119.2 miliardë lekëve. Një ndër faktorët që mund të ketë ndikuar në të ardhurat e këtij zëri mund të jetë ndërgjegjësimi i biznesit dhe formalizimi i transaksioneve, por nuk mund të lihet pa përmendur edhe kontrollet e tatimeve sidomos ato të përqëndruara në zonat bregdetare, ku dhe aktiviteti ekonomik gjatë muajve të verës është i lartë
Por sipas analizës së Financave, rritja e prodhimit vendas të karburantit ka ulur importin e këtij produkti dhe si rrjedhojë të ardhurat nga TVSH- ja në import. Karburanti prodhim vendas mbuloi rreth 30.1% të konsumit gjatë 11-mujorit të vitit 2017 krahasuar me 2.5% që ishte ky tregues vitin e kaluar. Po kështu në këtë zë, impakt ka pasur edhe ecuria mjaft e mirë e rimbursimeve të TVSH me 57% më shumë se 11-mujori i vitit 2016.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.