Të ardhurat nga TVSH – 8 mujori, 4.5 miliard lekë më shumë se në vitin 2016
Të ardhurat nga taksa e TVSH, që njihet ndryshe edhe si takes e konsumit, kanë ardhur në rritje këtë vit. Sipas statistikave jo zyrtare të Ministrisë së Financave, të ardhurat nga TVSH-ja janë për 8 mujorin janë realizuar në vlerën 90.1 miliardë lekë, ndërkohë që janë 4.5 miliardë lekë më shumë se një vit më parë.
Kështu në të njëjtën periudhë të një viti më parë mbledhja e të ardhurave nga kjo taksë rezultonte në vlerën e 85.6 miliardë lekëve.
Një ndër faktorët që mund të ketë ndikuar në të ardhurat e këtij zëri mund të jetë ndërgjegjësimi i biznesit dhe formalizimi i transaksioneve, por nuk mund të lihet pa përmendur edhe kontrollet e tatimeve sidomos ato të përqendruara në zonat bregdetare, ku dhe aktiviteti ekonomik këto muajt e fundit është i lartë .Kështu referuar këtyre të dhënave, te cilat edhe pse nuk janë përfundimtaret, rezulton se vetëm gjatë muajit gusht janë mbledhur nga kjo takes 12.4 miliardë lekë.
Por duke analizuar këto të ardhura për këtë zë në treguesit fiskalë vërehet se kemi një shifër më të lartë edhe në rimbursimin e TVSH ndaj bizneseve.
Sipas statistikave të Tatimeve, vetëm për 8 mujorin e këtij viti janë rimbursuar 520, ose 192 biznese më shumë se një vit më parë. Nga këto 198 tatimpagues i përkasin kërkesave te vitit 2016 dhe 322 tatimpagues i përkasin kërkesave te vitit 2017.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.