“Të dielën nis vaksinimi me sinovac”. Ekspertja e ISHP, Nelaj: Vaksina është e sigurt. Fico: Qytetarët të bashkëpunojnë
Vaksinimi me vaksinën kineze të Sinovac do të nisë ditën e dielë me grupmoshat mbi 80 vjeç e më pas duke zbritur gradualisht në mbi 75 vjeç. Nga Instituti i Shëndetit Publik, ku po ruhen vaksinat e mbërritura në vendin tonë, ministrja e Shëndetësisë, Ogerta Manastirliu tha se në total janë 1100 mijë vaksinatorë e ndihmësvaksinatorë, ndërkohë që për të përshpejtuar proecesin në disa qytetet do të vendosen edhe çadra.
“Do të fillojë gradualisht të vazhdojmë të mbulojmë pjesën e të moshuarve mbi 80, por me sasinë që kemi do të zbresim edhe poshtë saj në 70+ por edhe më tej.” – u shpreh Erida Nelaj.
Përgjegjësja e Programit Kombëtar të Vaksinimit në ISHP, Erida Nelaj e konsideroi vaksinën e Sinovac të sigurt, duke iu referuar certifikimit të saj të Kinë dhe në shumë vende të tjerë të botës.
“Është një vaksinë e sigurtë dhe që ka marrë autorizimin dhe përdorimin në vendin e saj, por edhe në 22 vende të tjera. Kjo është e rëndësishme, sepse është administruar në shumë vende dhe nuk ka pasur efekte anësore. Është shumë e ngjashme me vaksinat e gripit. ”
Paralelisht, në stadiumin Air Albania të premten nisi edhe vaksinimi i të moshuarave me vaksinën Sputnik V, të mbërritur para disa ditësh.Ndërkohë që, drejtoresha e Institutit të Shëndetit Publik, Abana Fico Kërkoi mbështetjen e qytetarëve për t;u përgjigjur në kohë, në momentin që njoftohen për të kryer vaksinën.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.