“Të hapen spitalet rajonale”, Basha: Pandemia, përmasa të frikshme ndërsa qeveria nuk reflekton

Kreu i Partisë Demokratike, Lulzim Basha i ka kërkuar qeverisë hapjen e spitaleve rajonale në një kohë që shifrat e të infektuarave me covid-19 po rriten ndjeshëm cdo ditë. Në takimin e zhvilluar me qytetar të cilët e kanë kaluar infektimin nga ky virus  Basha u shpreh për mungesë  reflektimi nga ana e shtetit  për t’u ardhur në ndihmë.

“Mjekët kanë 6-7-8 muaj që punojnë në kushte ç’njerëzore, ku janë 4-5 pacientë me një dhomë ndërkohë që duhet të jenë dy dhe ti nuk hap spitale të reja dhe nuk e bën të mundur hapjen e spitaleve rajone, atëherë ti me duart e tua si qeveri faktikisht po ndihmon edhe në hapjen e infeksionit edhe në numrin e viktimave. Kemi 6 ditë që i kërkojmë hapjen e spitaleve rajonale.”

Kreu i PD  u ndal te  fatura e lartë e kurimit, duke bërë apel për rimbursim të ilaceve kundër infeksionit.

“Çmimi kërcen deri në 3 mijë euro për një kurë remdesivir, ndërkohë që ky ilaç duhet të ishte i pranishëm bashkë me ilaçet e tjera në të dy spitalet Covid. Më pas rimbursimi i paketës së ilaçeve duhet të jetë 50, 100 apo 200 mijë, në rastin tuaj ka shkuar 2 milion.”

Basha  u zotua se me ardhjen në pushtet të PD do të behet gjithçka  për tu ardhur në ndihmë qytetarëve duke normalizuar situatën shëndetësore dhe ekonomike.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.