Të hënën në Vetting – Në seancë dëgjimore Anila Leka e Prokurorisë së Përgjithshme
Të hënën është radha e Prokurores Anila Leka të paraqitet përpara Komisionit të Pavarur të Apelimit për t’iu nënshtruar procesit të Vetting-ut. Leka, Prokurore pranë Prokurorisë së Përgjithshme është një prej emrave që i nënshtrohet me përparësi vetting-ut, duke qenë se është kandidate për Këshillin e Lartë të Prokurorisë.
Në deklaratat personale të Lekës vërehet se ajo zotëron dy apartamente me sipërfaqe 85 dhe 76 metra katrorë, me vlerë përkatësisht 35 mijë dollarë dhe 3 milionë lekë. Ajo ka deklaruar gjithashtu edhe disa llogari bankare të krijuara falë kursimeve familjare. Duke u bazuar te të ardhurat familjare, Leka e kalon testin e pasurisë, gjithsesi, duhet parë rezultati i hetimeve të Komisionit të Vetting-ut gjatë seancës dëgjimore.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.