“Të hënën vaksinat e Pfizer” – Rama: Jemi afër finalizimit të marrëveshjes edhe me AstraZeneca
Kryeministri Edi Rama deklaroi se kompania Pfizer ka konfirmuar se ditën e hënë do të mbërrijnë në Shqipëri një pjesë e vaksinave të kontraktuara. Gjatë një bashkëbisedimi me qytetarë të Korçës, Rama u shpreh se vonesat e krijuara nga kompania në shpërndarjen e vaksinave, pritet të rikuperohen gjatë ditëve në vijim.
Më vjen mirë që ia dolëm të dalim nga rrethimi. Së bashku me vendet e tjera të Ballkanit perëndimor që u lanë jashtë skemës së shpërndarjes së vaksinave nga BE dhe arritëm të kemi një kontratë të drejtpërdrejtë me Pfizer që të mbërrijmë përmes Covax. Thonë se do fillojmë në shkurt por sdihet se kur do ndodhë.
Më vjen mirë që ia dolëm të dalim nga rrethimi ku u gjendëm jo për fajin tonë, dhe arritëm të kemi kontratë me Pfizer për 500 mijë doza kjo e rinovueshme. Do të duhet të kishin ardhur 10 mijë doza në këtë fund janari, por Pfizer bëri postim dhe nuk i patëm në kohë vaksinat, por bëj mirë të them se kemi marrë konfirmim se do të fillojë furnizimi nga Pfizer ditën e hënë.
Shpresoj të mos marrim një njoftim tjetër por mesa duket është konfirmim. Do të fillojë me një sasi më të vogël se ajo e premtuara por do të rriten shpejtë. Jemi afër dozës së dytë për ata që e kanë marrë dhe besoj që padiskutim në momentin që fillon furnizimi do të kemi mundësi që ta shtrijmë shpejt për ju, dhe mjekët e infermierët.
Por, sipas kreut të ekzekutivit së shpejti në Shqipëri pritet të mbërrijnë vaksina edhe nga kompani të tjera prodhuese, ndërsa shpjegoi edhe tre skenarët për vaksinimin e popullsisë.
Jemi jo larg finalizimit me AstraZeneca. Kemi filluar kontaketet paraprake për të zënë rradhën sepse këtu është një luftë e paimagjinueshme interesash e prapaskenash për të gjetur shtegun për të qenë më afër vaksinës. Po përpiqemi të gjejmë shtegun për të qenë më afër vaksinës. Nga pikëpamja e kapaciteteve si doza sdo kemi mungesa. Plani i parë është ta kryejmë vaksinimin për 14 muaj.
MSH ka punuar me stafin inensivisht për të gjithë programin e trajnimit për procesin e vaksinimit. Skenari tjetër 18 muaj. tjetri 22 ose 24 muaj në mos gabohem.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.