Të huajt “pushtojnë” Tiranën – Zgjidhet nga 67% e bizneseve që “nuk flasin” shqip
Bizneset e huaja zgjedhin Tiranën si qytetin më tërheqës për të shtrirë aktivitetet e tyre. Të dhënat e Bashkisë së Tiranës tregojnë se nga rreth 4819 subjekte me pronësi të huaj apo të përbashkët që funksionojnë në të gjithë vendin, 3231 prej tyre janë të vendosura në kryeqytet. Shifrat i përkasin vitit 217, ndërsa po të bëjmë një analizë të pesë viteve të fundit, duket se ka pasur luhatje të vazhdueshme të bizneseve të huaja që janë aktive në Tiranë.
Konkretisht përqindja e bizneseve të huaja në Tiranë në 2013 ka qenë në 7.29 në raport me ato shqiptare dhe në 2017 ka rënë në 6.88 për qind. Vitet që kanë njohur rritje të bizneseve të huaja apo me pronësi të përbashkët rezultojnë 2015-2016 me mbi 8 për qind.
Megjithatë, përqendrimi në kryeqytet nuk është rastësor, pasi numri i lartë i popullsisë, i shërbimeve, konsumit apo dhe afërsisë me portet e aeroportin apo institucionet publike janë disa nga arsyet kryesore që i bëjnë të huajt të tërhiqen më së shumti, pavarësisht kostove më të larta të qirave për ambientet. Pesha totale e Bashkisë së Tiranës në raport numrin e bizneseve të huaja në vend është rreth 67 për qind.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.