Të huajt që po bëjnë biznes në Shqipëri – Në 9 muaj “mësyjnë” italianët dhe egjiptianët
Mbi 1800 shoqëri biznesi janë regjistruar pranë Qendrës Kombëtare të Biznesit në 9 muaj dhe ushtrojnë aktivitet në vendin tonë. Referuar të dhënave zyrtare të pubikura nga “OpenCorporates”, nga 1 Janari 2020 deri Shtator janë regjistruar konkretisht 1892 shoqëri biznesi. Por cilat shtetësi ka tërhequr më së shumti tregu shqiptar? Nga numri total i kompanive të regjistruara, 216 prej tyre janë me kapital aksionar Italian (pjesërisht apo plotësisht) duke përbërë dhe numrin më të lartë.
E ndjekur nga 57 shoqëri të regjistruara në 2020, të cilat rezultojnë me kapital (aksioner apo ortakë) shtetas Egjiptian, ndërsa në vendin e tretë renditen bizneset e zotëruara nga aksioner apo ortakë me Pasaportë Republika e Kosovës, me 35 të tilla. Po ashtu janë 15 biznese ku ortak apo janë edhe shtetas me pasaportë gjermane, 12 me kapital gek, 4 shoqëri indiane dhe 4 shoqëri biznesi me aksioner apo ortak shtetas amerikan. Duke marrë parasysh situatën në të cilën ndodhet vendi por edhe shtetet e huaja për shkak të pandemisë COVID-19, duket se kriza dhe kufizimet nuk i ka ndikuar shoqëritë me kapital të huaj që të zgjerojnë aktivitetin në vendin tonë. Sektorët ku janë përqendruar, janë të ndryshëm, duke filluar që nga komunikacioni, bujqësia, shitjet me shumicë dhe pakicë, ndërtim, shërbime konsulence, etj.
Shoqëritë e huaja sipas shtetësisë
Italianë 216 shoqëri
Egjiptianë 57 shoqëri
Kosovarë 35 shoqëri
Gjermanë 15 shoqëi
Grekë 12 shoqëri
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.