Të huajt, vërtetim depozite bankare 300 mijë lekë – Tarifa e kushte të reja financiare për ata që vijnë në Shqipëri për të jetuar e punuar
Të huajt që do të vendosin të qëndrojnë në Shqipëri për afate të gjata kohore do të kenë detyrimin e paraqitjes së vërtetimit se kanë në bankë jo më pak se 300 mijë lekë, si dhe vërtetim page mujore jo më pak se 32 mijë lekë. Këshilli i Ministrave ka publikuar tarifat e reja të shërbimit për lejet e qëndrimit në Shqipëri si dhe kushtet financiare që duhet të plotësojnë të huajt për të qëndruar e punuar në territorin e vendit.
Për kategoritë e lejeve, të cilat kërkojnë dëshmi të burimeve të mjaftueshme financiare për jetesën në Republikën e Shqipërisë, ajo konsiston në: a) paraqitjen e një vërtetimi depozite bankare në bankat e nivelit të dytë, personale apo familjare, në Shqipëri, jo më pak se 300 000 lekë për person (për 1 vit kalendarik); b) vërtetim i të ardhurave mujore jo më pak se 32 000 lekë për person.”. Afati i lejes së qëndrimit do të jetë i njëjtë me afatin e aplikimit për herë të parë
Tarifa e lejeve të përhershme të qëndrimit do të jetë 12.500 lekë, ndërkohë që tarifat e lejeve për më shumë se 3 muaj deri në një vit për herë të parë do të jenë 4,500 lekë par kategoritë e bashkimit familjar, studentët, pensionistët, punëtorët sezonalë, kjo tarifë bëhet 8 mijë lekë për punëmarrësit, të vetëpunësuarit, sportistët, për kontraktuait apo pjesëtarët e ekuipazheve të anijeve.
Tarifa e lejës për dy vjet e kërkuar për herë të parë do jetë 9 mijë lekë për ata të huaj që bëjnë trajnime në Shqipëri, invesistorët, të punësurit e të vetëpunësuarit. Kjo tarifë shkon në 10 mijë lekë për të punësuarit që kërkojnë për herë të parë leje deri në 3 vite. Tarifa për ripërsëritjen e lejeve do të jetë 2500 lekë për pjesën dërrmuese të kategorive përvecc se për të punësuarit, vetëpunësuarit, apo sportistët.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.