Të jetosh si pensionist në Durrës – Media italiane reklamon Shqipërinë për kostot e ulëta të jetesës
“Të jetosh si pensionist në Durrës” është një artikull i publikuar në median italiane ku ju referohet shtetaseve të huaj që jetojnë në Shqipëri. Përmes një video tregohen eksperiencat e pensionistëve të ndryshëm që kanë zgjedhur që vitet e pensionit ti kalojnë në qytetin bregdetar të Durrësit.
Kryeministri Edi Rama ka postuar këtë video në rrjetin e tij social ku renditen disa nga avantazhet që ka Shqipëria për pensionistët.
“Ndjehet më pak stresi, shteti është shumë më pak shtypës, burokracia është më e vogël dhe një aspekt shumë i rëndësishëm për ne pensionistët, ka më shumë siguri,” shprehet pensionisti Italian.
Një tjetër avantazh që renditen në këtë artikull ka të bëjë me faktin që pensionet shqiptare nuk taksohen.
Por tek aspektet pozitive pensionisti Italian ka renditur edhe disa negative. Sipas tij negative është shëndetësia publike që ka shumë mungesa, kryesisht në burime ekonomike.
Por pavarësisht tablos që paraqitet në median italiane, Shqipëria mund të jetë një zgjedhje e mirë për pensionistët Italian të cilët edhe pensionet i kanë më të larta se pensionistët shqiptar.
Një pensionist shqiptar e ka të vështirë që të mbyll muajin për shkak të pensioneve të ulta që janë në vendin tonë.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.