Të parafundit në rajon për të ardhurat – FMN: Kosova dhe Shqipëria vetëm 25% të ardhura në raport me PBB
“Një sistem më i thjeshtë e i barabartë tatimor mund të sjellë të ardhura më të larta duke ruajtur norma të moderuara tatimore. Ulja e informalitetit është një aspekt i rëndësishëm i këtyre përpjekjeve. Fushata e ‘Fiskalizimit’ dhe e luftës kundër informalitetit duhet të mbështetet nga një strategji më gjithëpërfshirëse, që administrata tatimore të rrisë përmbushjen tatimore vullnetare ndërkohë që lehtëson proceset e administrimit tatimor për bizneset e vogla.”-thotë Fmn në përfundim të misionit.
Madje, Fondi Monetar Ndërkombëtar thotë edhe se, ndër vendet e rajonit të Europës Lindore dhe juglindore, Shqipëria është e fundit sa i përket peshës së të ardhurave në raport me prodhimin e Brendshëm bruto, në rreth 25% të saj. Edhe Kosova ndërkohë është po në të njëjtat shifra. Të dhënat e FMN i referohen viteve 2009-2018 dhe tregojnë një mesatare të këtyre viteve.
Shqipëria rezulton ndër vendet që ka edhe ndër normat më të ulëta të të ardhurave jo nga taksat. Ndërsa për të ardhurat nga taksat është më mirë vetëm se Çekia dhe Rumania, në rreth 17% të PBB.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.