Të presësh rrufetë! Eksperimenti i pazakontë i fizikantit në alpet zvicerane

Një ekip studiuesish nga Universiteti i Gjenevës ka bartur një lazer të madh në majë të një mali, për të stimuluar një rrufe, përmes teknologjisë së lartë.

Ekipi drejtohet nga Jean-Pierre Wolf, një fizikant zviceran, i cili ka punuar me lazer për më shumë se 20 vjet dhe ka qenë veçanërisht i magjepsur me përpjekjen për të kontrolluar motin.

Pas një viti vonesash për shkak të pandemisë, lazeri është transportuar në majën e Säntis, një mal në alpet zvicerane me një lartësi prej 2.500 metra.

“Ky është një nga vendet që është goditur më shumë nga rrufetë në Europë – shpjegoi Wolf –Ekziston një kullë transmetimi radio atje e cila goditet 100 deri në 400 herë në vit. Pra, është një vend ideal për të bërë eksperimentet tona të provës së konceptit.”

Lazeri imiton dhe rrit skenarin natyror të rrufeve, duke gjeneruar një fushë elektrike aq të fortë saqë shqyen elektronet nga atomet e tyre drejtpërdrejt, duke vendosur ngarkesat e kundërta që janë të nevojshme për formimin e rrufesë.

Ideja është që retë të shkarkojnë rrufe në mënyrë të kontrolluar.

“Kjo është arsyeja pse ne e quajmë atë një shufër rrufeje lazer. – tha Wolf – Rrezja do të kalojë krahas kullës ekzistuese të transmetimit – e cila është mbi 120 metra.”

Shkopinjtë tradicionalë të rrufesë janë në gjendje të mbrojnë vetëm një zonë të kufizuar në tokë, pavarësisht se sa të larta janë. Wolf shpreson se lazeri, megjithatë, do të ndihmojë në mbrojtjen e një zone më të madhe në tokë, megjithëse ende nuk mund të thotë se sa më të madhe.

Burimi origjinal: CNN

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.