Të punosh në ishujt e Karaibeve – Nomadët dixhitalë do të mund të qëndrojnë minimalisht 6 muaj
Pikërisht në brigjet e Venezuelës, ishulli i Curaçaos po pret nomadët dixhitalë për të punuar në ishullin e Karaibeve për një periudhë minimale prej gjashtë muajsh.
Tani është e mundur që jo-rezidentët të përdorin ishullin Hollandez të Karaibeve si zyrën e tyre të largët. Autoritetet sigurojnë që vizitorët nuk do t’i nënshtrohen taksave lokale të të ardhurave.
Çfarë duhet për të punuar nga Curacao?
Nuk ka nevojë të shqetësoheni për gjuhën për sa kohë që flisni anglisht, spanjisht, holandisht ose papiamentu.
Qeveria kërkon që punëtorët e ardhshëm të plotësojnë një formular dixhital të aplikimit, si dhe prova se ata në fakt mund të punojnë nga larg ose të kenë burime të mjaftueshme financiare për të mbijetuar. Ekziston edhe një tarifë sigurimi prej 248 € dhe do të duhet të paraqisni prova të një fluturimi kthimi dhe një test negativ COVID-19 të bërë brenda 72 orëve nga nisja.
Të gjitha kërkesat për aplikim mund t’i gjeni në këtë adresë.
A është e sigurt të udhëtosh tani?
Të gjitha objektet turistike ndjekin udhëzimet “A Dushi Stay, the Healthy Way” për të garantuar sigurinë e të gjithëve. I gjithë ishulli është nën një shtetrrethimi nga ora 7.00 e pasdites deri në 4.30 të mëngjesit sipas legjislacionit actual.
Sipas Organizatës Botërore të Shëndetësisë (OBSH), ka pasur vetëm 104 vdekje në Curaçao, për 12, 119 raste të konfirmuara që nga fillimi i pandemisë. Kohët e fundit, Curaçao ka kryesuar listën e numrit të njerëzve të vaksinuar në mes të Prillit, me 13.44 për 100 banorë. (Euronews)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.