Të rinjtë me zero mbetje. Takimi, për sensibilizimin e gjimnazistëve kundër ndotjes mjedisore

Në një takim informues dhe trajnues, rreth 40 gjimnazistë nga 10 institucione arsimore të Tiranë, morën informacion mbi praktikat më të mira botërore të mirëmenaxhimit të mbetjeve, konsumit të përgjegjshëm si dhe metodave të advokimit pranë shërbimeve lokale.

“Projekti Zero Mbetje implementohet nga IMMC dhe mbështete nga Lëviz Albania, synimi it ë cilit është ndërgjegjësimi i gjimnazistëve të Tiranës për konsumin e përgjegjshëm,  minimizimin e mbetjeve dhe problemet e krizës klimatike. Gjithashtu ne po hartojmë bashkë rrugës sit ë hartojmë kërkesa për informacion dhe sesi të rinjtë të ngrejnë një lloj kapitali social për të patur një raport më transparent dhe koherent me pushtetin vendor në këtë rast.” – është shprehur Edona Bylykbashi, koordinatore e projektit.

“Zero Mbetje” mbështetet nga Agjencia Zvicerane për Zhvillim dhe Bashkëpunim dhe Lëviz Albania dhe vjen në Shqipëri si një risi në mbrojtjen e mjedisit jo vetëm në drejtim të menaxhimit të mbetjeve por dhe filozofi jetese në kontekstin e krizës klimatike globale e mbështetur në konsumin inteligjent si dhe edukimin që në fazat e para të formimit të shoqërisë.

Lidion Kulla / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.