“Të rriten investimet në hidrogjen” – IEA: Do të ndihmojë në arritjen e objektivave të ndotjtes

Qeveritë në botë duhet të shtojnë investimet në prodhimin e hidrogjenit dhe zinxhirët e ruajtjes, për të nxitur reduktimin e emetimti të gazrave serë, sipas Agjencisë Ndërkombëtare të Energjisë.  Shtetet dhe investitorët privatë kanë arritur deri më tani vetëm çerekun e 1.2 trilionë dollarë që duhen deri në vitin 2030 për të zhvilluar energjinë me hidrogjen dhe ta bëjnë pjesë e strategjive të emetimit zero në botë, sipas organizatës. Përpjekjet duhet të përqendrohen në futjen e hidrogjenit në më shumë sektorë dhe zhvillimin e teknologjive që e bëjnë më të lirë për ta prodhuar me energji të rinovueshme.

Hidrogjeni është i lehtë, u ruajtshëm dhe nuk prodhon emetime direkte të ndotësve apo gazrave serë kur përdoret si karburant. Por kosto e prodhimit dhe shqetësimet mbi mënyrën e prodhimit, kanë qenë një barrierë.  Hidrogjeni i prodhuar me furnizime të rinovueshme mund të kushtojë në 2 deri në 7 herë sipër prodhimit nga gazi natyror , pa kapje të karbonit, sipas raportit.  Teknologji të reja dhe ekonomia e shkallës, und të ndihmojë në mbylljen e hendekut.  “Shumica e hidrogjenit të prodhuar sot vjen në formën e lëndëve djegëse fosile pa kapje të karbonit, duke rezultuar në rreth 900 milionë ton të emetimeve të CO2”- deklaroi agjencia.

Kapacitet botëror i elektrolizuesve, që prodhojnë hidrogjen nga uji duke përdorur energji elektrike, është dyfishuar në 5 vitet e fundit dhe thuajse 400 projekte janë nën zhvillim apo në fazat fillestare, sipas raportit.  Këto projekte udhët të vendosin ofertën e hidrogjenit në rreth 8 milionë ton në vit deri në vitin 2030, në rritje nga më pak se 50,000 ton në vitin 2021. Megjithatë, është ende 1/10 e asaj që duhej deri në vitin 2030 për të arritur emetime zero deri në 2050-n.   Thuajse i gjithë konsumi i hidrogjenit ka ndodhur në sektorët e rafinimin dhe industrial në vitin 2020, por mund të luajë një rol të madh tek kimikatet, çeliku, transporti dhe aviacioni, sektorë ku reduktimi i ndotjes është një sfidë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.