Të tjerë aplikime për energjinë e erës – Interes nga investitorët, në 2 muaj dorëzohen 7 kërkesa për centrale 3 MW

Prodhimi i energjisë nga era ka rritur interesin e investitorëve, teksa një numër i konsiderueshme aplikimesh kanë mbërritur pranë Ministrisë së Infrastrukturës dhe Energjisë në një periudhë të shkurtër kohore. Së fundmi, janë 2 shoqëri kanë depozituar aplikime për ndërtimin e impianteve eolike me kapacitet 3 MW, në zonën e Karaburunit.

Ndërkohë që, në 2 muajt e fundit janë depozituar edhe 5 aplikime të tjerë për ndërtimin e impianteve të vegjël që prodhojnë energji nga era. Prej prej këtyre aplikimeve gjithashtu, i përkasin zonës së Karaburunit, ndërsa 2 të tjerët parashikojnë centrale të vegjël në zonën e Semanit dhe Topojës në Fier. Aktualisht, në vendin tonë nuk ka asnjë impiant të prodhimit të energjisë nga era, ndërkohë që nevoja për diversifikimin e burimeve të prodhimit të energjisë është e madhe, për shkak të varësisë nga kushtet hidrike.

Në fakt, Enti Rregullator i Energjisë ka licencuar disa kompani për kryerjen e kësaj veprimtarie, por ndërtimi në terren nuk ka nisur ende. ERE ndërmori edhe një proces monitorimi në terren për këtë çështje, por situata e krijuara nga COVID-19 e shtyu për një moment të dytë, çka bën që ende të mos kemi një situatë të qartë se çfarë po ndodh me vonesat në ndërtimin e këtyre impianteve.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.