“Të vaksinohen edhe fëmijët 12-18 vjeç” – Hapja e shkollave, Dollenberg: Të aplikohet dhe detyrimi për paraqitjen e testit të shpejtë negativ
Shqipëria duhet të zgjerojë fashën e vaksinimit për COVID-19 edhe te fëmijët e moshës 12-18 vjeç. Kërkesa vjen nga kryetarja e Federatës së Mjekëve Shqiptarë në Evropë, Aurora Dollenberg, e cila i referohet edhe eksperiencës gjermane, ku tashmë janë të vaksinuar 40% e fëmijëve që i përkasin kësaj grupmoshe. Sipas saj, vaksina që duhet aplikuar për këtë kategori duhet te jetë Pfizzer, që ka marrë edhe miratimin përfundimtar.
Po ashtu, në prag në nisjes së vitit të ri shkollor, Dollenberg thekson se përveç punonjësve të shëndetësisë, mësuesve dhe studentëve, edhe fëmijët duhet të vërtetojnë se nuk janë të prekur nga infeksioni, duke sugjeruar që në mungesë të vaksinës të kërkohet test ii shpejtë negativ.
Dollenberg flet edhe për aplikimin e dozës së tretë të vaksinës, duke theksuar se në kushtet aktuale vëmendja duhet të fokusohet te vaksinimi i popullatës me 2 dozat e para.
Kryetarja e Federatës së Mjekëve Shqiptarë në Evropë iu bën thirrje të gjithëve që të vaksionohen, pasi sipas saj vaksinat mbrojnë nga fatalitetet dhe format e rënda të sëmundjes.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.