“Të vaksinuar, shëruar, apo të vdekur!” – Ministri gjerman jep paralajmërim pesimist për qytetarët gjatë Dimrit

Ministri i Shëndetësisë në Gjermani, Jens Spahn, ka dhënë një paralajmërim pesimist ndaj banorëve të vendit, duke i thënë se vaksinimi është çelësi i mbijetesës së tyre.  “Disa do të thonin se kjo është cinike, por me shumë mundësi, deri në fund të Dimrit,  thuajse të gjithë do të jenë të vaksinuar, të shëruar nga sëmundja, apo të vdekur. Ky është realiteti”- tha Jens Spahn në një konferencë në Berlin.

Duke fajësuar variantin Delta për rritjen e shpejtë të rasteve në vend, që ndodhet në valën e katërt të pandemisë, Spahn tha se kjo është arsyeja që po rekomandohet me urgjencë vaksinimi. Gjermania po vlerëson nëse duhet të zbatojë masa më të ashpra të Covid-19 dhe mbasë një karantinë të pjesshme , si Holanda Fqinje.  Ditën e Hënë u regjisruan mbi 30 mijë raste të reja, sipas Institutit Robert Koch për sëmundjet infektive. Ndërkohë, Gjermania ka një nga normat më të ulëta të vaksinimit në Europën Perëndimore, me 68% të popullsisë së rritur që është vaksinuar plotësisht dhe vetëm 7% që ka marrë një dozë nxitëse.

Dozat nxitëse nevojiten për shkak të zbehjes së imunitetit të ofruar nga vaksinat pas thuajse 6 muajve. Spahn i tha gjermanëve që të mos jenë skeptik mbi llojin e vaksinës që do zgjedhin, duke shtuar se disa mjekë të vaksinimeve thonë se BioNTech është Mercedesi i vaksinave dhe Moderna është Rolls-Royce, sipas raportimeve të Deutsche Welle. “Ka mjaftueshëm vaksina për të gjithë vaksinimet e ardhshme” tha Spahn, duke shtuar se të dyja vaksinat funksionojnë.

Gjermania përdor në fushatën e vaksinimit Pfizer-BioNTech, Moderna, AstraZeneva dhe vaksinën e Johnson & Johnson.  Duke qenë e BioNtech është kompani gjermanie, banorët preferojnë këtë vaksinë.   Të gjithë vaksinat ulin bindshëm rrezikun e infeksionit të ashpër, shtrimit në spital dhe vdekjeve, por disa vende në Europë kanë pësuar një ngurrim më të madh ndaj imunizimit se të tjera.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.