Teknikët e riparimit ngarkojnë në internet të dhënat personale të klientes – Apple detyrohet të paguaj miliona dollarë dëmshpërblim

Apple i ka paguar një dëmshpërblim shumë milionësh një gruaje nga Oregon pasi teknikët e riparimit të iPhone-it ngarkuan imazhe dhe video të qarta në internet nga një telefon që ajo dërgoi për riparim.

Regjistrimet ligjore, të raportuara së pari nga Telegrafi, zbuluan se gruaja pa emër dërgoi iPhone-in e saj për riparim në 14 Janar 2016 tek një kontraktor riparimi i aprovuar nga Apple i quajtur Pegatron Technology Service në Kaliforni. Teknikët atje ngarkuan “material jashtëzakonisht personal dhe privat” në llogarinë e gruas në Facebook dhe në vendet e tjera të internetit, thuhet në dokumente.

Videot u ngarkuan që të dukeshin sikur vetë gruaja t’i kishte ndarë ato me qëllim, sipas dokumenteve, duke i shkaktuar gruas “shqetësim të rëndë emocional”. Gruaja u informua për incidentin kur miqtë panë videot dhe imazhet në Facebook.

Gruaja paditi Apple dhe përfundimisht u vendos me kompaninë për një shumë prej shumë milion dollarësh. Por Apple kurrë nuk u emërua direkt në proces gjyqësor në një përpjekje për ta mbajtur çështjen konfidenciale.

Incidenti u bë publik vetëm kur avokatët në një çështje më të re, pa lidhje me Apple dhe Pegatron referuan çështjen e mëparshme në regjistrat e tyre ligjorë, duke thënë që ofruesi i shërbimit ishte “qartë Apple”.

Apple konfirmoi incidentin në një deklaratë për Guardian. Avokatët e gruas nuk iu përgjigjën një kërkese për koment.

“Ne e marrim privatësinë dhe sigurinë e të dhënave të klientëve tanë jashtëzakonisht seriozisht dhe kemi një numër protokollesh për t’u siguruar që të dhënat janë të mbrojtura gjatë gjithë procesit të riparimit”, tha një zëdhënës i Apple.

“Kur mësuam për këtë shkelje të egër të politikave tona në një nga shitësit tanë në 2016, ne morëm masa të menjëhershme dhe që atëherë kemi vazhduar të forcojmë protokollet tona të shitësve”, shtoi zëdhënësi.

Ky nuk është incidenti i parë në të cilin një teknik është akuzuar për vjedhje dhe postim të imazheve nga një punonjës. Në vitin 2013, një klient 27 vjeçar i Best Buy paditi shitësin pasi fotografitë nga një kompjuter që ajo solli për riparim u shpërndanë në internet.

Por, siç vë në dukje Telegrafi, çështja minon argumentin e shpeshtë të Apple për të lejuar vetëm shitësit me pakicë të aprovuar të riparojnë pajisjet, një çështje që ka tërhequr më shumë vëmendje mes gjykimeve të lidhura me antitrustin. Apple ka theksuar në mënyrë të përsëritur sigurinë e shërbimeve të veta të riparimit mbi të tjerët dhe ka argumentuar kundër ligjeve që do të lejonin konsumatorët të bënin riparimet e tyre, duke favorizuar programin e saj të autorizuar të riparimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.