Teknologjia VS Covid-19 / Britania po ndërton një aplikacion të dytë të gjurmimit të kontakteve – Debati mbi privatësinë e të dhënave
Mbretëria e Bashkuar duket se po mbron bastet e saj duke ndërtuar dy aplikacione për gjetjen e kontakteve gjatë pandemisë Covid-19, raporton Financial Times.
Dy burime të njohura me projektin i thanë FT se NHSX, njësia dixhitale e Institutit të Shëndetit Publik në Britani, tani po ndërton një aplikacion të dytë për gjurmimin e kontaktit
Për dallim nga aplikacioni që po testohet aktualisht, aplikacioni i ri do të ndërtohet duke përdorur API-në e specializuar të gjurmimit të kontakteve nga Apple dhe Google.
Një burim tha se kjo po bëhet për shkak se qeveria hyri në vështirësi teknike të mëdha pa API-në e re të Google dhe Apple. Konkretisht, burimi tha se kishte rënë në probleme me pajtueshmërinë e politikave të iPhone dhe harxhimin e baterisë. “Këto detaje teknike janë mjaft të rëndësishme,” tha burimi.
Mbretëria e Bashkuar tha në fund të prillit se do të refuzonte API-in e ri të Apple dhe Google sepse kompanitë e teknologjisë përcaktojnë që të gjitha aplikacionet e ndërtuara duhet të jenë “të decentralizuara”. Kjo do të thotë që të gjitha përpunimet e të dhënave bëhen në celularin e përdoruesit dhe nuk mund të ruhen jashtë celularit në një bazë të dhënash. Duket se qeveria britanike është shtyrë nga teknikalitetet për të ndërruar mendim.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.