Telefonatë përmes gishtit-“La Repubblica”: Pas pak muajve, binjakët italianë hedhin në treg produktin novator

Mjafton të afrosh një gisht në vesh për të komunikuar me telefon. Duket magji por në bazë të “Get” është vetëm teknologjia. Është një byzylyk që është në gjendje që të bëhet një zgjatim i celularit. E ka shpikur Edoardo Parini, një dizejnues i ri me origjinë nga Piemonte që e ka vënë në zbatim me vëllezërit Emiliano e Enrico. Pas pak muajve produkti do të futet në treg, shkruan “La Repubblica”. Vëllezërit kanë themeluar një kompani të re të quajtur “Deed”.

Por si është e mundur që të bësh një telefonatë duke vendosur vetëm një gisht në vesh? E gjitha është çështje vibracionesh. “Get” është një fashë që lidhet me telefonin përmes opsionit “bluetooth”, dmth. pa fije. Kur mbërrin një telefonatë, byzylyku nis të vibrojë (dridhet). Mjafton një lëvizje e pulsit për të kthyer përgjigje, më pas gishti tregues afrohet në vesh për të dëgjuar një zë që thotë emrin e telefonuesit. “Ne arrijmë ne pjesën e brendshme të veshit përmes vibracioneve që prodhohen nga tingujt që prodhohen nga “Get”, përmes dorës që shërben për të formuar rezonancë” shpjegon shpikësi. Byzylyku është i pajisur me një mikrofon të vogël  për këtë qëllim.  “Get” bashkon karakteristikat e byzylykëve për “fitnes” dhe të “smartwatch”.

Artikulli origjinal: http://torino.repubblica.it/cronaca/2018/01/17/news/torino_ecco_l_app_per_parlare_al_cellulare_con_un_dito-186671094/?ref=RHPPRT-BS-I0-C4-P1-S1.4-T1\

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.