Tendenca e këtij viti/Nga cilat shtete po na vijnë turistët?

Instituti i Statistikave ka publikuar të dhënat zyrtare të lëvizjes së shtetasve, ku rezulton se në muajin maj 2018, rritjen më të madhe në përqindje e kanë pasur hyrjet e shtetasve nga Gjermania, Polonia dhe Shtetet e Bashkuara të Amerikës.

Referuar të dhënave të INSTAT, në maj 2018 hyrjet nga Gjermania u rritën me 61.5%, ato nga Shtetet e Bashkuara të Amerikës  me 36.6 % ndërsa ato nga Polonia me 34.9 %.

Kjo rritje në përqindje konstatohet edhe në rang 5 mujori (janar-maj) krahasuar me të njëjtën periudhë të një viti më pare, raporton portali ekonomik SCAN

Hyrjet e shtetasve nga Gjermania rezulton se në rang 5 mujori janë rritur me 25 %, hyrjet nga Polonia me 34.4 % ndërsa hyrjet nga Shtetet e Bashkuara të Amerikës me 14.7 %.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.