Tendenca e re e aromave për vitin 2021?! – Parfume natyrale, të personalizuara dhe artizanale

Provoni të shtoni në sallatën e frutave një mandarinë në vend të lëngut të limonit dhe do të shpikni kështu bazën e një arome agrumesh. Gërvishtni lëvoren e një qitroje me majën e gishtit tuaj, dhe ju do të simuloni procesin e shtrydhjes së vajrave thelbësorë të dobishëm për të bërë një fragrancë aromatike.

Zbuloni aromat që nuk janë të zakonshme, për shembull duke nuhatur brendësinë e sirtarëve të komodinës ose një lustër këpucësh që, megjithëse mund të duken unike, kujtojnë notat bazë të përdorura edhe për parfumet luksoze që në 2021 do të karakterizohen nga natyrshmëria, respekti për mjedisin, si dhe gjithnjë e më të personalizuara dhe madje edhe për tu përzier në kohën e përdorimit bazuar në disponimin dhe kohën e ditës, falë strategjive të reja inovative.

Ju mund të bëheni pak parfumierë duke lexuar libra mbi lulet dhe aromat. Ju gjithashtu mund të stërviteni duke provuar të kombinoni lloje të ndryshme mjalti, vajra ulliri ekstra të virgjër nga toka të ndryshme prodhimi, duke shijuar të pije distiluara dhe pijë me ngjyrë dhe duke u përpjekur të përshkruani verbalisht esencat që përbëjnë përzierjet.

Dhe, sa më shpejt të jetë e mundur, përdorni sensin e nuhatjes drejtpërdrejt duke vizituar kopshte botanike, lulishte për të rizbuluar aromat e luleve sezonale si trëndafilat e majit, mimozat e shkurtit, livandat e verës ose jaseminin e shtatorit.

Pranvera është muaji i aromave dhe 2021 është viti i parfumeve natyrale. Midis lançimeve të reja të parfumeve, esencat e talkut dhe agrumeve spikasin së bashku me disa nota solare dhe ëndrrat e festave.

Pavarësisht nga periudha e vështirë për shkak të pandemisë, nevoja për erëra dhe aroma të mira nuk do të zhduket, operatorët raportojnë se ata presin një rritje në përdorimin e parfumeve për mjedisin e shtëpisë, por edhe për zyrat që do të rifillojnë të hapen me rifillimin e normalitetit të shumëpritur. (ANSA)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.