Tender për qendrën e Çorovodës/ Projekti i ri: Amfiteatër, kënd rekreacioni e lojërash, shatërvan e pemë (Imazhet e projektit)
Fondi Shqiptar i Zhvillimit ka hapur tenderin për fazën e dytë të rikualifikimit të qendrës së Corovodës. Fondi limit është 266 milionë e 107 mijë lekë ndërsa ofertat mund të dorëzohen deri me 16 nëntor 2020.
Pjesë e ndërhyrjes në fazën e dytë janë :
-Rivitalizimi i hapësirës së parkut ekzistues dhe krijimi i një shëshi të ri në ndërthurje me të
-Rikonstruksioni i fasadave të Pallatit të Kulturës
-Trajtimi i hapësirës përreth Pallatit të Kulturës
“Në vijim të konfigurimit të ri të akseve rrugore dhe trajtimit të Sheshit “Riza Cerova”, hapësira e parkut ekzistues dhe ish markatës, që pozicionohen pas Pallatit të Kulturës paraqesin nevojën për t’u rikualifikuar. Aktualisht janë dy hapësira të shkëputura nga njëra tjetra dhe shfaqen në një gjendje të degraduar pës sa i përket aksesimit, shtrimit dhe detajeve të tjera të arredimit urban.
Gjelbërimi i parkut ekzistues është i pasur me pemë, të cilat duhet të ruhen dhe të plotësohen me gjelbëim më të ulët. Gjithashtu konfigurimi i parkut ekzistues pasqyron interes për ruajtjen si një memorie të së shkuarës, pjesë e identitetit të qendrës së Çorovodës. Ndërsa pjesa e tregut nevojitet për t’u rikonceptuar. Të dy hapësirat ndahen ndërmjet tyre nga një aks rrugor.
Objektivi për rikualifikimin e kësaj zone është unfikimi i të dy hapësirave, të konceptuara si një hapësirë të vetme, duke ruajtur konfigurimin e parkut ekzistues, itineraret e brendshme të parkut dhe pemët ekzistuese, me përjashtim të pemëve të dëmtuara, të cilat duhet të zëvendësohen me pemë të rëja.
Trajtimi ndërmjet dy hapësirave nuk duhet të perceptohet si një ndarje, por si një integrim dhe nderthurrje ndermjet tyre, ndërmjet ekzistueses dhe konceptit të ri, me funksione të përbashkëta dhe në shërbim të njëra tjetrës, duke krijuar kështu një shesh të ri në hapësirën publike në të cilin përfshihet edhe parku ekzistues” shkruhet në dokumentet e tenderit.
Në sheshin e ri, do të krijohen hapësira dhe funksione të ndryshme, të tilla si hapësira e amfiteatrit, kend rekreacioni për fëmijë, kënd për lojëra në tavolina, që ofron mundësi argëtimi edhe për të moshuarit, kënd qëndrimi e pushimi, parkim për bicikletat, basen ujore me shatërvan, tarraca të gjelbëruara, kopshte tematike, si kopshti i lavandrës, etj. Aksesi kryesor për sheshin e ri të krijuar, do të jetë nga hyrja e madhe ekzistuese, hyrja e Ish markatës që gjendet ndërmjet dy hapësirave.
Në qëndër të sheshit të ri pozicionohet një strehë, e konceptuar me dy nivele, me një arkitekturë e dizjan të vecantë kolonash dhe mbulese, e cila do të shërbejë si hapësirë qëndrimi dhe pushimi së banorëve gjatë përditshmërisë dhe një hapësirë për zhvillimin e aktiviteteve të ndryshme kulturore të organizuar në qytet. Streha pozicionohet prane amfiteatrit dhe pranë me hapësirat e tjera atraktive.
Përgjatë të gjithë sheshit në perimetër, trotuari zgjerohet duke krijuar hapësira qëndrimi e pushimi, hapësira argëtimi dhe rekreacioni, kopshte me tipe të ndryshme gjelbërimi duke e bërë përshkimin në itinerar shumë më të këndshëm dhe interesant.
Kjo hapësirë do të trajtohet me tipe të ndryshme bimësie, që përfshijnë bimësi të lartë, pemë ekzistuese që ruhen dhe pemë të reja te mbjella, bimësi të ulët, tipe të ndryshme shkurresh dhe tipe të vecanta lulesh, të tillë si lavandra. Ndërthurja e gjelberimit dhe sipërfaqeve të lira bëhet në mënyrë organike. Gjithashtu në qëndër të sheshit, në ndërthurje të akseve kryesore të qarkullimit, pozicionohet një shatërvan.
Për shtrimin e hapësirave publike është përdorur gur i zonës i marrë nga guroret në rrethinat e qytetit, gur Skrapari gri dhe bezhë, i prerë me përmasa të ndryshme që variojne sipas percaktimit në projekt, për të krijuar një harmoni dhe për të diferencuar elementet e dizajnit urban.
Përgjatë të gjithë hapësirave të trajtuara është konceptuar një sistem i ri ndriçimi, me ndriçim perimetral të tipit të shtyllave me një krah të orjentuar nga aksi rrugor, pika ndriçimi të lartë në brendësi të sheshit, që ndriçon 360°, ndriçim të ulët përgjatë të gjithë itinerareve të kalimit, ndiçim dyshemje të përmbledhura në hapësirat ku zhvillohen funksione të ndryshme dhe spote incaso anësore mureve, përgjatë kalimeve, shkallareve dhe rampave.
Rikonstruksioni i fasadave të Pallatit të Kulturës
Pallati i Kulturës, i pozicionuar në sheshin qëndror “Riza Cerova” është një objekt i konceptuar dhe projektuar në vitet ’60 dhe përfaqëson një objekt të një rëndësie të veçantë si në aspektin e trashëgimisë kulturore, arkitektonike dhe një memorie kolektive, duke qenë pjesë e identitetit të qytetit. Gjatë rikualifikimit të sheshit, objekti është trajtuar vetëm me disandërhyrje të pjeshme, kryesisht lyerje, por nuk është zhvilluar rikonstruksioni i plotë i fasadave.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.