Tender për segmentin rrugor që lidh Lushnjën me autostradën/ FSHZH “hedh” 105.7 milionë lekë
Fondi Shqiptar i Zhvillimit ka shpallur një tender me fond 150.7 milionë lekë, për ndërtimin e segmentit rrugor “Sabri Kosturi” në Lushnjë.
“Duke u nisur nga gjendja faktike e objektit vërejmë se shtresat e trupit të rrugës nuk ekzistojnë ose janë të amortizuara. Traseja është e përbërë vetëm nga dhe i hedhur e i ngjeshur ose ne pjese te veçanta asfalt i amortizuar. Rruga në të dy anët shoqërohet me kanale anësore për shkarkimin e ujërave nga banesat ekzistuese të cilat ndërpriten ose humbasin pas avllive dhe mureve te shtëpive si rezultat i ndërhyrjeve apo ndërtimeve nga banoret” specifikohet në detajet e tenderit.
Ndër të tjera, më tej shpjegohet mungesa e rrjetit inxhinierik për sistemin e ujërave sipërfaqësore, ndriçimit, sinjalistikës dhe trotuaret.
“Kjo gjendje e ka rënduar trafikun dhe funksionimin normal të tij duke rrezikuar dhe kërkon ndërhyrje te menjëhershme për ta kthyer në një zone normale urbane që do t’i shërbejë lidhjes së qytetit Lushnjës me autostradën” shkruhet më tej në relacionin teknik.
Tenderi i shpallur në Agjencinë e Prokurimit Publik do të qëndrojë i hapur deri më 22 mars dhe ka një afat kohor për ekzekutim prej 12 muajsh, që nga nënshkrimi i kontratës me subjektin fitues.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.