Tender për të moshuarit – Asistencë shtëpiake për të vetmuarit/ Detajet
Bashkia e Tiranës ka shpallur tenderin me fond 2.3 milionë lekë në Agjencinë e Prokurimit Publik. Tenderi konsiston në Ofrimin e Asistencës shtëpiake për të moshuarit e vetmuar.
Sipas detajeve të dokumentacionit, bëhet fjalë për një projekt social 4 mujor, ku asistentët në familje do të kujdesen për drekën e 44 të moshuarve.
Megjithatë, bëhet fjalë për më shumë se vetëm kujdesin në të ngrënë. Sipas tenderit, detyrat e asistentëve socialë vijojnë si më poshtë:
- Mbështetje për kujdes shëndetësor;
- Ofrimi i vaktit ushqimor;
- Përkujdes psiko-social;
- Mbështetje për përkujdes për plotësimin e nevojave bazike higjeno-sanitare;
- Pjesëmarrje të përfituesve në aktivitete social-kulturore për të siguruar socializim;
- Mbështetje për përfitimin e terapisë okupacionale pranë qendrave ditore bashkiake.
Tenderi i shpallur në Agjencinë e Prokurimit Publik do të qëndrojë i hapur deri më 27 nëntor, ora 12:00.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.