Tenderi për rindërtimin në Kombinat – 600 mijë dollarë për mbikëqyrjen e punimeve, kontrata për ndërtimin e pallateve 70 milion USD

Pas shpalljes së tenderit prej 70 milionë dollarësh për rindërtimin në zonën  Kombinatit, Agjencia e Prokurimeve Publike ka shpallur këtë fundjavë dhe garën për subjektet që do të mbikëqyrin punimet.  Objekti  i kontratë është Mbikëqyrja e punimeve për rindërtimin e njësive të banimit në ndërtesa (pallat) në zonën e shpallur për zhvillim të detyruar, në njësinë administrative 6, zona “Kombinat” dhe vlera e fondit do të jetë rreth 600 mijë dollar pa TVSH. Kontrata do të shtrihet në 36 muaj që nga momenti i çeljes së garës dhe operatorët kanë afat deri më 12 tetor për të paraqitur ofertat.

Vetëm pak ditë më parë, Agjencia e Prokurimeve Publike shpalli në faqen e saj tenderin për rindërtimin e pallateve të dëmtuara nga tërmeti I 26 nëntorit në zonën e Kombinatit. Autoriteti Kontraktues është Bashkia e Tiranës, ndërkohë që bie në sy vlera e madhe e tenderit, që do të jetë rreth 70 milionë dollarë.

Tenderi do të jetë i kufizuar në kuadër të procesit të rindërtimit është cilësuar si procedurë e përshpejtuar.

Objekti specifik i kontratës/marrëveshjes kuadër është: “Rindërtimi i njësive të banimit në ndërtesa (pallat) në zonën e shpallur për zhvillim të detyruar, në njësinë administrative 6, zona “Kombinat”  Bashkia Tiranë”.

Fondi total I kontratës do të jetë 7.6 miliardë lekë, afërsisht 7 milionë dollarë pa TVSH, ndërkohë që Kohëzgjatja e saj do të jetë 36 muaj. Afati për kryerjen e punimeve do të jetë 27 muaj.

Kompanitë e interesuara për t’u përfshirë në garë kanë afat deri më 12 tetor për paraqitjen e ofertave, pranë Bashkisë Tiranë, ku do të kryhet edhe procesi I vlerësimit e përzgjedhjes së operatorëve fitues.

Në kontratë është përcaktuar se kompanitë fituese mund të nënkontraktojnë subjekte të tjera për kryerjen e punimeve, por në asnjë rast nuk mund t’u kalojnë atyre më shumë se 40% të vlerës së kontratës.

Kontrata përcakton gjithashtu se Një Ofertues mund të aplikojë për [një lot], [disa lote], [të gjitha lotet] dhe se Për çdo lot paraqitet një ofertë e veçantë.  Ndërkaq, Operatoret ekonomike qe do te ofertojnë per më tepër se një Lot ne rastet kur kërkohet, duhet të kenë kapacitetet financiare dhe teknike sa shuma e loteve, për të cilat kanë ofertuar, te marra se bashku.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.