Rriten tensionet mes SHBA – Iran pas ndërtimit të tre bazave të reja ushtarake në rajon

SHBA-të kanë ndërtuar të paktën tre baza gjysmë të përhershme të ushtrisë shumë afër kufirit iranian në Irakun verior, pohojnë burimet

Ndërtimi i bazave është në kundërshtim me besimin që SH.B.A. së shpejti mund të tërheqë trupat nga rajoni. Burime nga Izraeli thanë se SHBA e kuptojnë se largimi nga Iraku do të linte politikëbërësit dhe ushtrinë me një ndikim shumë  të zvogëluar në rajon. Pas vrasjes së gjeneralit Qassem Soleimani në fillim të këtij muaji, qeveria irakene miratoi një rezolutë jo detyruese që kërkonte tërheqjen e trupave amerikane.

Që atëherë, ushtria amerikane nuk është tërhequr dhe ekspertët besojnë se kjo tregon për një rritje të pranisë së SHBA në rajon.

Burimet pohuan se Amerika planifikon të krijojë një nga bazat e saj të reja ushtarake pranë qytetit të Sulimania.

Një tjetër bazë e madhe ushtarake është planifikuar të ndërtohet afër qytetit të Halabja, i cili ndodhet vetëm 14 kilometra nga kufiri iranian.

Baza e tretë ushtarake po planifikohet të ngrihet në jug të provincës së Erbil, pretendojnë raportet.

Profesori Uzi Rabi, drejtori i Qendrës Moshe Dayan për Studime të Lindjes së Mesme dhe Afrikë, i tha burimeve se SHBA e ka kuptuar se tërheqja nga Iraku do të dëmtonte në mënyrë dramatike sanksionet ndaj Iranit.

Ai tha: “Ata kanë kuptuar se, pavarësisht nga deklarata e presidentit, ata duhet të mbajnë një prani të vërtetë dhe ata po e bëjnë këtë duke ndërtuar baza në zonat kurde.

“Kjo pritej nga kushdo që i kupton vërtet fuqitë që veprojnë në këtë rajon strategjik.”

Një burim gjithashtu pohoi se përpjekjet e Iranit për të armatosur ushtritë e tyre të maskuara në Irak dhe Jemen detyrojnë ushtrinë amerikane të mbetet në rajon.

Burimi: “Daily Express”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.