Tentoi të kalonte 32 mijë euro të padeklaruara në doganë – Policia procedon penalisht shtetasin
Policia Kufitare e Kapshticës nëpërmjet një njoftimi ka bërë me dije se ka parandaluar një rast të tentativës për transfertë të parave në mënyrë të paligjshme ku janë sekuestruar 32.000 euro dhe është proceduar penalisht poseduesi i tyre, pasi nuk i deklaroi në kufi.
Pas analizës së riskut të bërë nga shërbimet e Policisë Kufitare, gjatë kontrollit të ushtruar në vijën e dytë, shtetasit V. M., 50 vjeç, i cili u paraqit në dalje të Republikës së Shqipërisë si këmbësor, iu gjetën në çantën personale 32.000 euro të padeklaruara nga ana e tij, të cilat iu sekuestruan në cilësinë e provës materiale. Shkruhet në njoftim.
Veprimet procedurale u kryen nga specialistët për Hetimin e Krimit Ekonomik-Financiar në DVP Korçë, të cilët i referuan materialet hetimore në Prokurorisë pranë Gjykatës së Shkallës së Parë Korçë, për veprën penale “Mosdeklarimi në kufi i të hollave dhe i sendeve me vlerë”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.