Tentojnë të vjedhin bankomatin, arrestohen dy të rinjtë në Bulqizë
Specialistët për Hetimin e Krimit në Komisariatin e Policisë Bulqizë në bashkëpunim me Drejtorinë Vendore të Policisë në Dibër kanë arrestuar shtetasit E.A, 31 vjeç dhe F.L, 35 vjeç, banues në Bulqizë (të dy të dënuar më parë për veprën penale të Vjedhjes).
“Këta dy shtetas në bashkëpunim me njëri-tjetrin në orët e para të mëngjesit të datës 26.01.2019, të maskuar dhe me sende të forta tentuan të vjedhin bankomatin e filialit të një banke të nivelit të dytë në “Lagjen e Re” Bulqizë” njofton Policia.
Materialet hetimore i kaluan Prokurorisë Dibër për veprën penale “Vjedhje e bankave dhe arkave të kursimit” , kryer në bashkëpunim e mbetur në tentativë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.