Terapia “shopping”, a mund të na e përmirësojnë blerjet gjendjen tonë emocionale?
A mundet që blerjet të na e përmirësojnë gjendjen tonë emocionale? Emocionet negative mund të na çojnë shpeshherë në “humbjen” e vetes. Dhe nga kjo gjendje, njerëzit shpesh nxiten që të dalin të bëjnë blerje si një mënyrë për t’u ndjerë më mirë.
Por realisht, a i bëjnë blerjet njerëzit që të ndjehen mirë?
Një studim i publikuar në “The Journal of Psychology and Marketing” i referohet një eksperimenti ku 96% e të intervistuarve janë përgjigjur se kanë bërë një blerje në mënyrë që të ndryshojnë gjendjen e tyre emocionale.
Por kjo lloj terapie, aq sa mund të jetë efektive për përmirësimin e gjendjes emocionale, mund të rezultojë nganjëhere problematike për gjendjen financiare, nëse nuk bëjnë një manaxhim të mirë.
Nëse shpeshherë gjendja jonë emocionale është tepër e ngarkuar dhe mendojmë të gjejmë ngushëllim në të bërit pazar, këto ndjenja negative mund të na kthehen në “hakmarrje” nëse shpenzojmë më tepër se sa kemi planifikuar.
Ne shpesh nuk e kuptojmë se përse duam të blejmë kur ndihemi keq apo edhe pse blerja na bën të ndihemi mirë. Nëse mund ta motivojmë trurin tonë që të largojmë ndjenjën e ankthit atëherë nuk do të kërkojmë kënaqësi afatshkurtra siç është blerja.
Truri ynë është i pajisur me atë që ne na duhet që të ndihemi të kënaqur, pa pasur nevojë që të shkojmë dhe të harxhojmë para për të blerë. Kur ndihemi të shqetësuar, aftësia jonë për vetë kontrollim zvogëlohet, duke na bërë më të prirur për të marrë vendime të këqija, duke përfshirë edhe tejkalimin e shpenzimeve.
Një mënyrë se si ne mund ta trajtojmë këtë situatë është që, kur të jemi tepër të shqetësuar, atëherë ta “zhdukim këtë sjellje”, pra duke vetëkontrolluar emocionet tona dhe duke i dhënë një ndjenjë tjetër vetes sonë për të na mbajtur larg blerjeve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.