Tërmetet e vazhdueshme afër malit vullkanik në Islandë rrezikojnë një shpërthim të mundshëm
Zyra meteorologjike Islandeze deklaroi një gjendje të pasigurtë pasi tërmete të shpeshta po ndodhin afër malit vullkanik Thorbjorn duke sinjalizuar një shpërthim të mundshëm.
Nivelet e alarmit për aviacionin u ngritën gjithashtu duke e përkufizuar ngjarjen si kur një vullkan “po përjeton shenja të trazirave të ngritura mbi nivelet e njohura të sfondit”.
Për gati një javë, një seri tërmetesh kanë tronditur zonën përreth Grindavik. Tërmeti më i madh i regjistruar pati një magnitude 3.7. Është zbuluar një rritje prej rreth 3.0-4.0 milimetra në ditë, duke arritur në total 2.0 centimetra në një javë në kraterin e vullkanit, dhe dyshohet se është nga akumulimi i magmës disa kilometra nën tokë.
Gadishulli ndodhet në Mesin e Atlantikut, ku pllaka tektonike e Amerikës së Veriut dhe Euroazisë ndryshojnë. Nuk dihet ende nëse do të ketë një shpërthim apo nëse do të ketë vetëm seri tërmetesh.
Është shumë shpejt të përpiqemi të dallojmë se cili është skenari më i mundshëm,” tha për AFP, Pall Einarsson, profesor i gjeofizikës në Fakultetin e Shkencave të Tokës në Universitetin e Islandës.
Në vitin 2010, shpërthimet në Eyjafjallajokull dërguan një re të madhe tymi dhe hiri nëpër Europë, duke rezultuar në anulimin e më shumë se 100,000 fluturimeve dhe duke bllokuar rreth tetë milion pasagjerë.
Shpërthimi i fundit i njohur në gadishullin Reykjanes ishte gati 800 vjet më parë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.