Tërmeti, 500 banesa nga Turqia! Ambasadori Yoruk: Pas premtimit të Erdogan institucionet turke në terren, nisim ndërtimet në Laç
Menjeherë pas premtimit të Presidentit Taip Rexhep Erdogan për ndërtimin e 500 banesave për të dëmtuarit nga tërmeti, një grup pune nga Qeveria Turke ka ardhur në Shqipëri dhe po punon në terren për të përcaktuar hapësirat ku do të zbatohet projekti i ndihmës.
Ambasadori i Turqisë në Tiranë Murat Ahmet Yörük tha në një konferencë të përbashkët për shtyp me Ministren e Kulturës Elva Margariti se delegacioni përbëhet nga ekspertë të Entit Turk të Banesave dhe Ministrisë së Ndërtimit e të Mjedisit dhe se aktualisht zona Laccit, me shumë gjasa, do të jetë e para që do të përfitojë nga projekti i rindërtimit nga Shteti Turk.
Nëndrejtori i TOKI, Enti Kombëtar i Banesave në Turqi, tha se projekti në Laç është në fazën e fundit të studimit. Ministrja Margariti tha se delegacioni turk është i pari që ka nisur ndihmën në terren, ndërkohë që theksoi se nevojat më të mëdha për ndihmë janë në zonat rurale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.