Tërmeti 6.3 ballë shkund Kroacinë. Më i forti që prej vitit 1880, rrëzon ndërtesa pranë epiqendrës në Petrinja
Kroacia ka pësuar tërmetin më të fortë në më shumë se 1 shekull, për të dytën herë këtë vit, ndërkohë që lëkundjet kanë rrëzuar ndërtesat dhe janë ndjerë deri në Romë dhe Vienë. Tërmeti i ditës së martë, i matur në 6.3 ballë nga Qendra Europiano-Mesdhetare Sizmologjike, ishte më i madh se ai i dtës së Hënë në 5.2 dhe lëkundjet në 5.3 që shkaktuan 6 miliardë dollarë dëme në kryeqytet gjatë muajit Mars.
Tërmeti hodhi poshtë ndërtesa pranë epiqendrës në Petrinja, ku flitet se ka lënë viktima. Lëkundjet kanë dëmtuar strukturat e ndërtesave në Zagreb, ku kroatët dolën nga shtëpia prej frikës së pas goditjeve. Katastrofa i ka shtuar vështirësitë shtetit europian që po riparonte 20,000 ndërtesa nga tërmeti i muajit Mars, ndërkohë që i bën gjithashtu ballë koronavirusit dhe ndikimit ekonomik nga pandemia. “Jam rrugërs për Petrinja, pasi një tërmeti tjetër shkatërrues. Kemi obilizuar të gjithë shërbimet në dispozicion për të ndihmuar njerëzit. Më e rëndësishmja është të shpëtojmë jetë”- tha Kryeministri Andrej Plenkovic në Twitter.
Tërmeti solli mbylljen automatike të centralit bërthamor në Sllovoeni, ndërkohë që autoritetet thanë se nuk ka patur dëme sipas kontrollit fillestar. Presidentja e Komisionit Europian, Ursula von der Leyen, shkroi në Twitter se ka folur me Plenkovic dhe se Europa është e gatshme për mbështetje.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.