Tërmeti, apeli i inxhinierëve – Shoqata: Qeveria nuk ka kapacitete e ekspertizë, të na përfshijë në procesin e rindërtimit

Për shkak të vakuumit institucional, mungesës së ekspertizës teknike, pamundësisë së institutit të ndërrimit për të përballuar situatën dhe mungesës së Urdhrit të Inxhinierëve, Shoqata Shqiptare e Inxhinierëve Konsulentë i është drejtuar me një propozim konkret qeverisë për të menaxhuar procesin e rindërtimit pas tërmetit të 26 shtatorit.

Përmes një konference për shtyp, Shoqata bëri me dije se i ka propozuar qeverisë ngritjen e Autoritetit Teknik të Rindërtimit, si enti që duhet të përcaktojë e monitorojë metodologjitë e rindërtimit apo riparimit të ndërtimeve të dëmtuara.  Sipas kreut të Shoqatës Gëzim Beqja, propozimi parashikon që Autoriteti të vihet nën juridiksionin e Ministrisë së Rindërtimit dhe në të të përfshihen inxhinierë të të gjitha fushave, të cilët do të sigurojnë ekspertizën e nevojshme për të garantuar standardet e riparimeve apo ndërtimeve të reja.

Mes propozimeve të Shoqatës është edhe nevoja për rifreskimin e hartës dhe koefiçientëve sizmikë në gjithë territorin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.