Tërmeti, familjet do aplikojnë online/ Rama: Kush merr banesë të re nuk humbet pronësinë e tokës, kontroll për abuzime
Nga 29 janari, të gjitha familjet e dëmtuara nga tërmeti do të kenë mundësinë të aplikojnë online përmes një platforme të posaccme për të përfituar nga procesi i rindërtimit.
Në ceremoninë e prezantimit të platformës, Kryeministri Edi Rama tha se familjet që do përfitojnë nga programi nuk do humbasin pronësinë mbi tokat ku kanë aktualisht banesave, ndërkohë që paralajmëroi se procesi do të monitorohet nga një grup i psaccëm pune i cili do të sigurojë që bashkitë të mos abuzojnë me fondet për rindërtim.
Ministri Ahmetaj ka dhënë detaje sa i përket procedurës së aplikimit për të gjithë ata banorë që u janë dëmtuar banesat e tyre nga tërmeti i 26 nëntorit. Ai ka sqaruar se aplikimi do të nis të mërkurën, më datën 29 janar dhe do të zgjasë 30 ditë.
Mes të tjerave, Ahmetaj, ministri i rindërtimit u ka dhënë “urdhër” të gjitë bashkive të prekura nga tërmeti që të hapin zyra për të pritur qytetarët, por detyrë e tyre është për të shkuar dhe për t’i gjetur ato dhe për të bërë aplikimin, duke qenë se ka banorë që jetojnë ende në cadra, apo që kanë humbur familjarët e tyre.
SCAN
#TiNukDoJeshKurrëVetëm🤗👐🏿🇦🇱SHTËPIA IME – Një platformë online për qytetarët e prekur që do të përfitojnë nga Programi i Rindërtimit.🚧🏗Një Regjistër Elektronik i familjeve të prekura në çdo njësi vendore dhe çdo qytetar ndjek ecurinë e aplikimit të vet nëpërmjet SMARTFONIT.Një formular i THJESHTË dhe një procedurë TRANSPARENTE për këdo që humbi strehën nga tërmeti i 26 Nëntorit dhe do të kthehet në një banesë më të mirë se ajo që shkatërroi tërmeti🏡🏗🏢#ShqipëriaqëDuam🇦🇱☀
Posted by Edi Rama on Sunday, January 26, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.