Tërmeti masiv 7.7 në Kubë kalon pa pasoja. Anullohet edhe paralajmërimi për cunami për 6 vende
Është tërhequr paralajmërimi për një cunam të mundshëm në zonën e Karaibeve pas tërmetit të fuqishëm me magnitudë 7.7 në zonën mes Kubës dhe Xhamajkës. Tërmeti ra në det në një thellësi 10 kilometra.
“Kërcënimi për një cunami të lidhur me tërmetin e fortë ka kaluar, nuk ka me rrezik” ka komunikuar qendra e paralajmërimit të cunameve në Paqësor. Paralajmërimi prekte 6 vende: Kubë, Honduras, Meksikë, Belize, Ishuj Cayman e Xhamajkë.
Lëkundjet e forta janë ndjerë edhe në Majami ku disa godina në qendër të qytetit janë evakuuarsi masa paraprake. Tërmeti i fortë është ndjerë edhe në kryeqytetin e Kubës,Havana ku godina të ndryshme janë evakuuar. Sipas mediave kubane, tërmeti është ndjerë në shumë province dhe nuk raportohet për ndonjë dëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.