Tërmeti në detin Egje. Greqia raporton të plagosur, Turqia 4 viktima dhe 120 të plagosur. Vazhdojnë operacionet e kërkim-shpëtimit
Një tërmet me magnitudë 7 Rihter ka rënë sot me epiqendër në detin Egje duke prekur ishullin e Samosit në greqi dhe qytetin e Izmirit në Turqi.
Mediat greke kanë bërë një bilanc të dëmeve në ishullin Samosit, i cili ishte edhe epiqendra e tërmetit 8 të plagosur kanë mbetur nga tërmeti, të gjithë jashtë rrezikut për jetën, por 4 prej tyre po trajtohen në spital.
Ndërkohë në Izmir, qyteti më i goditur nga tërmeti shkatërrues që ra disa orë më parë në detin Egje, ka nisur tashmë operacioni i shpëtimit. Nga informacionet e para zyrtare, konfirmohen deri më tani 4 viktima dhe 120 të plagosur.
Dhjetëra objekte atje janë shembur, ndërsa deri më tani është nxjerrë e gjallë nga rrënojat një grua. Të shumtë raportohet të jenë personat që kanë mbetur poshtë pallateve të shembura.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.