Tërmeti, nis pjesërisht mësimi – Shahini: Dëmet e shkollave në Tiranë, të konsiderueshme
Ministria e Arsimit, Sportit dhe Rinisë ka njoftuar nisjen e pjesshëm të mësimit ne disa prej bashkive që u prekën nga tërmeti i fuqishëm i 26 nëntorit, ndërkohë që për Tiranën, Vorën dhe Kurbinin procesi mësimor mbetet i pezulluar deri në datën 9 dhjetor.
Shahini tha se dëmet në shkollat e Tiranës janë të konsiderueshëm, por nuk dha shifra të sakta se sa është numri i tyre.
Ndërkaq, paralelisht me shkollat publike, edhe institucionet arsimore private do të duhet të pajisen me akt konstatimin përkatës për gjendjen e tyre nga inspektorët e Institutit të Ndërtimit, pasi në të kundër nuk mund të fillojnë procesin mësimor.
Për zëvendësimin e orëve të humbura Shahini tha se do të ketë një shkurtim të pushimeve të parashikuara për festa zyrtare, ndonëse plani i plotë do të publikohet në vijim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.