Terminal modern për kroçierat në Vlorë. “Sjell shumë para’ në një kohë të shkurtër”
Ndërtimi i një terminali modern për kroçierat, ishte një tjetër projekt i prezantuar nga kryeministri në qarkun e Vlorës. Rama tha se përveç Vlorës, do ndërtohen edhe dy terminale të tjera, në qytetet bregdetare Durrës dhe Sarandë.
Realizmi i këtij projekti do të forcojë ekonominë dh do të sjelli shumë para në një kohë të shkurtër, sipas kreut të qeverisë.
“Kemi nisur punën për ndërtimin e tre terminaleve për kroçierat në Durrës, në Vlorë dhe në Sarandë. Vlora po bëhen gjithnjë edhe më shumë e kërkuar nga turistët dhe nga destinacionet e kroçierave. Kështu që në portin e Vlorës do të ndërtojmë një terminal modern për krocerat, dhe ndërkohë po synojmë dhe po vazhdojmë punën për të bërë disa investime me marinat e jahteve dhe varkave turistike qoftë në Vlorë, qoftë në Sarandë, pasi është një domosdoshmëri e madhe dhe një ekonomi e fortë, pasi sjell shumë para në një kohë shumë të shkurtër. Turizmi që kemi sot është një turizëm masiv që jep një kontribut të rëndësishëm në vendim tonë, por nuk sjellë aq para që ne duam të sjellim në vend, sepse nuk e ka fashën e cilësisë të lartë, për shkak të mungesës së strukturës me 4 dhe 5 yje, dhe për shkak të mungesës së marinave”.
Terminali i parë për kroçierat mund të ndërtohet në Durrës, Rama: Jemi në diskutime
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.