Terminali i parë për kroçierat mund të ndërtohet në Durrës, Rama: Jemi në diskutime
Qeveria po projekton ndërtimin e një terminali kroçierash në Durrës. Kjo ide u bë e ditur nga kryeministri Edi Rama gjatë fjalës së mbajtur në prezantimin e projekteve në këtë qytet.
Kryeministri tha se pavarësisht interesit në rritje të kroçierave, Shqipëria nuk ka ende një stacion për to.
“Jemi në diskutime për sistemin e terminaleve të kroçierave sepse sot në Durrës e Sarandë nuk kemi asnjë terminal për kroçierat ndërkohë që interesimi për të vizituar Shqipërinë me kroçiera është i jashtëzakonshëm. Durrësi është pika ku do të ndërtohet terminali i parë i standarteve europiane” tha Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.