Terrorizmi godet sërish Britaninë, sulmi pak ditë para zgjedhjeve
Terrorizmi godet Britaninë për herë të dytë brenda pak javësh, pak ditë përpara zgjedhjeve kombëtare.
Shtatë persona u vranë gjatë një sulmi mbrëmjen e djeshme në Londër.
Një kamion u kthye dhe iu drejtua një turme njerëzish duke lënë kështu viktima.
Më pas, personat në furgon kryen sulme me thika në lokalet në lagjen “Borough Market”.
Sipas autoriteteve 7 vetë humbën jetën dhe rreth 48 të tjerë kanë mbetur të plagosur dhe po marrin mjekim në pesë spitale.
Policia njofton se ka vrarë tre të dyshuarit për sulmet. Më shumë se 80 mjekë u dërguan në vendngjarje për t’i ndihmuar të lënduarit.
Një nga personat e plagosur është një oficer i Policisë Britanike të Transportit, i cili u godit me thikë pas reagimit ndaj incidentit.
Gjendja e tij është serioze, por jo e rrezikshme për jetën.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.