Tesla, vrap “spektakolar” në bursë! Tani një aksion vlen 900 dollarë

Rreziku për t’u djegur është shumë i lartë! Të paktën sipas spekulimeve që qarkullojnë rreth Teslës kohëve të fundit. Por, këtë të martë Tesla është rritur me 15% dhe ka arritur të këmbehet me 882 dollarë. Afro 100 dollarë më shumë nga mbyllja e së hënës. Një garë e cila duket e pafundme…

Në këtë moment, intervista e miliarderit dhe investitorit të Teslës peshon shumë, i cili gjatë fjalës së tij për CNBC u shpreh se në 10 vitet e ardhshme, të ardhurat e kompanisë mund të preknin vlerën e miliarda dollarëve.

Aksionet e kompanisë së Elon Musk, këtë të hënë të 3 shkurtit kanë “kërcyer” me 19.89%, duke arritur në kuotën e 780 dollarëve. Vlera më e mirë që prej majit të vitit 2013. Me një fitim ditor prej 130 dollarë që nga mbyllja e së premtes me 650.57 dollarë.

Në fakt, që në fillim të vitit, Teslës i është rritur vlera me 86%. Në 3 muajt e fundit, rritja ka superuar 100%. Përqindje kjo, e cila shkon në më shumë se 220% për periudhën e  6 mujorit të fundit. /ilsole24ore/

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.