Testi i antitrupave i Roche. Merr autorizim emergjent në SHBA, do masë reagimin ndaj vaksinave
Roche mori autorizim për përdorim emergjent nga Administrata e Barnave dhe Ushqimeve në SHBA, për një test të ri që mat antitrupat e koronavirusit në gjak. Gjiganti zviceran i farmaceutikës deklaroi se testi, i quajtur “Elecsys Anti-SARS-CoV-2 S” identifikon specifikisht antitrupat kundër proteinës S të virusit, në provëzat e gjakut. Roche bëri të ditur se testi funksionon duke shënjestruar “antitrupa që janë drejtuar kundër proteinës gjemb të koronavirusit, që është zona që mundëson virusin të kapet tek receptorët qelizor të trupit bartës, që më pas lejon futjen e kodit genetik tek qeliza.
Kompania po përpiqet të pozicionojë testet si një mënyrë për të matur kundërpërgjigjen e antitrupave tek njerëzit nga vaksina e koronavirusit, që pritet të disponohet gjerësisht. Shumë vaksina kandidatë synojnë të nxisin kundërpërgjigje të antitrupave kundër proteinës S të virusit. Testet që tregojnë sasinë e antitrupave kundër proteinës S mund të përdoren për të matur nivelin e reagimit dhe përmasën e këtij reagimi me kalimin e kohës. Testi ofron rezultat numerik që përshkruan përqendrimin e antitrupave si dhe një rezultat cilësor, sipas ekzekutivit të Roche, që e quajti testin si një mënyrë për të matur kundërpërgjigjen imunitare të vaksinave. “Që prej nisjes së pandemisë, ne jemi përpjekur të krijojnë teste efektive diagnostikues”- tha Thomas Schinecker, ekzekutivi i kompanisë zvicerane.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.