Teuta Vodo në ‘Argument’- Probabiliteti qe mund te kemi rikthim të vizave është zero” Ky vendim i Hollandës është thjesht çështje votash!
E ftuar në ‘Argument’ për të disktuar rreth mesazhit të Hollandës për të rikthyer vizat, ishte e ftuar Teuta Vodo, sekretare për marrëdhëniet me jashtë në partinë socialiste. Sipas saj procesi nëpër të cilin kalon Parlamenti Hollandes, për të arritur në këto përfundime është mjaft teknik.
”Ky vendim i tyre është thjesht cështje votash,pasi ky vendim i Hollandës vjen pikërisht në prag zgjedhjesh europiane. Probabiliteti qe mund te kemi rikthim të vizave është zero, kjo sepse procesi i rikthimit të vizave është shumë i ndërlikuar.”- thekson Vodo.
Ajo deklaroi se bashkëpunimi mes vendeve ka qënë mjaft aktiv, dhe sipas ligjit duhet të bëhet një përllogaritje e numrit të shqiptarëve që janë në Hollandë, në raport me përqindjen e atyre që kanë shkelur rregullat për të shkuar në Hollandë.
”Hollanda nuk ka statistika apo përqindje të sakta që mund t’i vërtetojë Komisionit Europian që prezenca e shqiptarëve përbën rrezik në territorin e Hollandës.”- është shprehur sekretarja për marrëdhëniet me jashtë në partinë socialiste.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.