Thaçi takon Presidentin Trump: SHBA do të vazhdojë të mbështesë Kosovën në rrugëtimin euroatlantik
Hashim Thaçi është takuar gjatë ditës së sotme me Presidentin e SHBA Donald Trump.
Lajmi është konfirmuar nga Presidenti i Kosovës Thaçi, në një postim në rrjetin social Facebook, ku ndër të tjera shkroi se “Trump na rikonfirmoi se Shtetet e Bashkuara të Amerikës do të vazhdojnë ta mbështesin Kosovën në rrugëtimin euroatlantik”.
“Takuam Presidentin Donald Trump dhe zonjën e parë, Melania Trump, të cilët i falenderuam për përkrahjen e vazhdueshme për Kosovën. Presidenti Trump na rikonfirmoi se Shtetet e Bashkuara të Amerikës do të vazhdojnë ta mbështesin Kosovën në rrugëtimin euroatlantik”, shkruan Hashim Thaçi.
Presidenti Thaçi kryeson delegacionin e Kosovës në New York, ku do të marrë pjesë në seancën e radhës të Asamblesë së Përgjithshme të Kombeve të Bashkuara.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.