“Tharja” e Rinit po godet Gjermaninë – Ndërpret itinerarin më të rëndësishëm të dërgesave
I nxehti në Europë po ul nivelet e ujit në lumin Rin, që është një nga itineraret më të rëndësishme të kontinentit për dërgesat, çka mund të dëmtojë ekonominë gjermane. Vitin e kaluar, ulja e nivelit të ujit bëri pjesë të lumit të pakalueshme, duke sjellë ndalimin e prodhimit në shumë vende, çka rriti kostot e manifakturës dhe ndërpreu zinxhirët e furnizimit në Gjermani. Analistët presin të njëjtën gjë këtë verë, ndërkohë që mungesa e shirave dhe temperaturat e larta do të bëjnë që anijet të mos mbushen tërësisht në disa pjesë të Rinit.
Kjo pritet të godasë ekonominë Gjermane. Instituti për hulumtime ekonomike Ifo bëri të ditur se 80% e të gjithë mallrave që transportohen përmes ujit, kalojnë ne Rin. Qymyri, nafta dhe produktet kimike transportohen në një intensitet të lartë, e për rrjedhojë, rënia e nivelit të Rinit sjell kufizime të prodhimit industrial. Në tremujorin e tretë 2018, ekonomia gjermane u tkurr me 0.2%. Pjesa më e madhe e kësaj rënie erdhi nga konsumi i ulët privat si dhe përballja e industrisë së makinave me standardet e reja të ndotjes. Megjithatë, sipas analistëve, rënia e nivelit të Rinit ka ndikuar gjithashtu. Vitin e kaluar, kur dërgesat në Rin ndaluan, prodhimi i kimikateve dhe produkteve farmaceutike ra me 10%, diçka që ndikoi në mënyrë direkte tek ekonomia.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.