The Guardian liston liqenet më të bukura në Europë – Në vend të parë Liqeni i Ohrit

Vetëm pak ditë pasi BBC i kushtoi një videoreportazh Liqenit të Ohrit, prestigjiozja britanike “The Guardian”,  duke përshkruar liqenet më të bukura të Europës,e rendit liqenin e Ohrit të parin në listë.

“Shtrirë në kufirin mes Shqipërisë dhe Maqedonisë, Ohri shtrihet në liqenin me po të njëjtin emër, një nga më të thellët në Europë. Kisha e Shën Jovan Kaneos ngrihet në një shkëmb mbi portin plot me anije peshkimi dhe ngjyra të ndezura nga ku mund të shikoni plot plazhe të vogla”, shkruan the Guardian

Vizitorët mund të zgjedhin të zhyten për të parë gërmimet dhe botën nënujore e cila merr ngjyrën blu në disa vende dhe të gjelbrën mitike në disa të tjera.

Ndërkohë më poshtë do të shihni renditjen e plotë të 10 liqeneve më të bukura të Europës.

1.Ohër, Maqedoni

2.Titisee-Neustadt, Gjermani

3.Hallstatt, Austri

4.Savonlinna, Finlandë

5.Mikolajki, Poloni

6.Talloires, Francë

7.Castiglione del Lago, Itali

8.Morcote, Zvicër

9.Sigtuna, Suedi

10.Iznajar, Spanjë

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.